كروني'كات
رؤية امل :
#الحلقة_1
رؤية طفلة عمرها 17 سنة عايشة مع امها شعرها اكحل كي الليل و عينيها زرق اللي يراها اول مرة يقول ملايكة اما هي شيطانة متحب تسمع كلام حد و معندهاش صحاب خاطر اللي قراو معاها لكل يخافو منها خاطرها ديما لابسة الاكحل و تحكي وحدها كي المهبولة اما الحاجة اللي ميعرفوهاش عليها هيا اللي هيا تنجم ترا الجنون و تحكي معاهم و حتى حد ما يعرف الحكاية حتى امها .
رؤية طفلة باهية و حشامة و خوافة اما متحب حتى حد يسخف عليها على هذاك هيا ديما وحدها .
بو رؤية مشا و خلا امها و هي حبلة بيها و ماللي تولدت رؤية و هي حاقدة على الرجال الكل متحبش تدخل في حتى علاقة مع حتى طفل وزيد هيا تخاف لحد يعرف بحكاية الجنون على هذاكا محبتش تعمل صحاب و ديما تبعد في الناس عليها .
اليوم اخر نهار في القراية و رؤية ماشية تقرا كي العادة هزت بسكلاتها و مشات .
(في lycée )
الاستاذة : درة ؟؟
-حاضرة
-رؤية ؟؟
- مازالت ما جاتش
هوما هكاكة و تدق رؤية الباب
الاستاذة : جاب ربي اخر نهار شبيك جاية مخر ماو لاباس ؟؟ 😠
رؤية : معناها نمشي نجيب بيي ؟؟ 😒
الاستاذة : بالطبيعة ، احمد ربي اخر نهار مكانش راني قدمت بيك تقرير 😑
رؤية : هاو فيبالي 😕😒
الاستاذة : 😡😡😬
مشات رؤية للادارة ملقات حد ياخي جاها جني و قالها اللي مافما حد بش يعطيك بيي فرحت و هزت بسكلاتها و خرجت م lycée و بدات تجري بالبسكلات و لا علا بالها مشات للبلاصة فوق الجبل تطل على غابة كبيرة و بحر قعدت وحدها تخمم اول مرة تخمم في بوها و بدات تتصور زعما كان جاء بحذاها شنوة كان بش يصير و كيفاه بش يكون احساسها و كيفاه بش تقول بابا و ولات تصيح و تبكي فرغت قلبها . قعدت شوية حتى برد وجهها و هزت بسكلاتها و روحت .
( في الدار ) دخلت و بدات تعيط : امي يا امي
ما جاوبها حد ياخي دخلت لبيت امها تلقاها في الفرش تاعبة و تجبد في النفس بالسيف كي راتها قالتلها : بنتي..انا...بش نموت نحبك تسامحني
رؤية: امان امي علاه شعمتلك بش تخليني وحدي و على شنوة بش نسامحك (تبكي بالشهقة)
امها : بنتي بوك ما هربش بوك انا قتلتوا ..... وسكتت وبدات تتنفس بصعوبة و قالت اخر كلمة سامحني و ماتت .
تصدمت رؤية 😨😧😢 و بدات تصيح اميييييي .... امييي لشكون مشيت و خليتني علاه هكا شعمتلك امييي امان فيق متخلينيش اميي اميي مسامحتك و الله مسامحتك قوم برك امي يا امي امان .😭😭
راوها الجنون تبكي ياخي سخفو عليها مسكينة معندها الزهر في حتا شي . 😔
سمعتها جارتهم جات تجري تلقى الطفلة محملة امها و تبكي ياخي كلمت الاومبيلونس و بعدت الطفلة على امها و غطاتلها وجها .
رؤية متحملتش اللي راتو هزت روحها خرجت تجري و تبكي .
رجعت للبلاصة اللي مشاتلها الصباح قعدت تبكي و تصيح : علاه معنديش الزهر يا ربي علاه شنوة ذنبي مالاول بابا و مبعد امي فاش غلطت يا ربي . 😭😭
بكات حتى شاحو دموعها و تكات عالحشيش و رقدت.
قامت من غدوة تلقا روحها في فيلا كبيرة ظاهرة متع واحد غني قامت مفجوعة كيفاه جات وقفت تلقا اللي الفيلا تطل على البلاصة اللي قعدت فيها .
بدات تعيط بالشوية : فما شكون الهنا ؟؟ وبدات تدور في الدار طلعت في الدروج تلقا بيت بابها محلول دقت عالباب مجاوبها حد دخلت للبيت لقات تصاور متع طفل يعمل 26 سنة ياخي خافت قالت : انا شمجيبني الهنا و شكونو هذا ؟؟ جاتها جنية صغيرة قالتلها الطفل هذا اسمو مهدي و هو طفل باهي متخافش منو
ارتاحت رؤية و مشات تجري لبست سبادريها و حلت باب الدار تلق سي مهدي واقف قدامها قحرتلو و قالتلو : انت اللي جبتني الهنا ؟؟😐
ضحك عليها و جاوبها : اي انا جبتك 😉😆
دزتو و جات خارجا ياخي جبدها من يدها و قالها :
-وين عندك ماشية ؟؟
-و انت شيهمك فيا ؟!😛
-صحيح ميهمنيش فيك اما بصراحة اللي يراك البارح يقول متشردة معندهاش وين تقعد .
حاولت رؤية بش تشد دموعها اما المرة هذي غلبوها منجمتش تتحكم في روحها و بدات تبكي .
ياخي شدلها و جها بين يديه و مسحلها دموعها و قاللها : مش باهيلك البكاء ظاهر عليك طفلة قوية و مش بالساهل دموعها يهبطو .
حشمت رؤية و هبطط عينيها للقع و مشات .
ياخي غزرلها و هو يتبسم و قالها : كان ملقيتش وين تبات ارجع ضحكتلو و قاتلو : باهي تهنا انا هكا ولا هكا بش نرجع .
مهدي طفل اسمر طويل بدنو مكبوس عينيه خضر و شعرو بني امو و بوه ماتو و هو صغير عاش معا عمو . عمو ما جابش صغار على هذاكا حسبو كي ولدو اما الله يرحمو مات قبل عامين خلالو شركات و اراضي و ديار . حسيلو دخل مهدي للدار و قعد يفكر : محلاها الطفلة هذي قوتها غزرت عينيها شعرها عنادها تنهد و قعد يخمم فيها حتى هزو النوم .
#الحلقة_3
بعد ما خرجت رؤية من دار مهدي مشات لدارهم لقات البانكا باعتها مشات تجري للجارتهم دقت الباب ياخي حلتلها :
- عسلامة تاتا
- عسلامة بنتي
- شبيها الدار ياخي
- ااه امك الله يرحمها خذات قرض و رهنت الدار كي ماتت البانكا باعت الدار
تصدمت رؤية و هيا هكاكة و تمدلها جارتهم ساك فيه دبشها الكل هزتو و خرجت مالدار .
خذات تاكسي و مشات تجري لدار مهدي دقت الباب ما حاللها حد ولات تعيط بالشوية :سي مهدي يا سي مهدي ..
سمعها قام يجري حل الباب و دخلها قعدت في الصالة و هو مشا يعمل في قهوة .
هو في الكوجينة و هي تثبت فيه في عينيه الخضر ضحكتو اللي تهبل بدنو المكبوس .
كمل حضر القهوة و جا قعد بحذاها
- لتو لقتلي شسمك
- انا اسمي رؤية
- رؤية محلاه اسمك انا ... ( قصت عليه )
- انتي اسمك سي مهدي
- و انتي منين تعرفو اسمي ؟؟!
ياخي حطت يدها على جبينها و سكتت
- كان متحبش تحكي على كيفك
- لا بصراحة انا اول مرا نقعد نحكي مع طفل برشا و زيد انت مش كيما الاولاد اللي حكيت معاهم انا ارتحتلك من اول ما ريتك تو نحكيلك حكايتي منو نفرغ قلبي و منو تعرفني انا شكون
حسيلو قعدت تحكي و هو يسمع فيها و يعشق في زينها (تو 9 متع الليل ) وصلت لوين ماتت امها و وقفت عالكلام قامت تجري لبست سبادريها و خرجت مالدار هز مفتاح الكرهبة و خلط عليها يجري ركبو في الكرهبة
- شبيك ياخي قمت تجري ؟؟!
- امان تو نقلك مبعد تو امشي للمقبرة
- المقبرة ! شتعمل فيها المقبرة في الوقت هذا
- امان وصلني تو تفهم كل شي
وصلها و دخلت هيا للمقبرة و هو خلط عليه هي قعدت في وسط المقبرة و بدات تستحضر في الارواح و هو يغزرلها و مش مصدق اللي يرا فيه حكات معاهم و سألتهم على بوها و امها قالولها اللي امها ماللي جات و هي في قبرها محبتش تقوم و بوها قبرو فارغ
كملت حكات معاهم و قامت هزت روحها و ركبت في الكرهبة و سي مهدي حالل فمو مش مصدق اللي يرا فيه .
ركبو في الكرهبة و روح بيها للدار .
وصلو لدار مهدي و دخلو قعدو في الصالة :
- اي تره فسرلي مفهمت شي انا اصلا منيش مصدق اللي ريتو
- ههه اللي ريتو حقيقة و ماكش تحلم انا نرا الجنون و نحكي معاهم و تو انت الوحيد اللي تعرف الحكاية هذي
- ااه ومن وقتاه ترا الجنون
- ماللي تولدت
- و كيفاه
- باهي هاني بش نقلك انا كي تولدت تولدت ميتة و ما كان فما حتى امل بش نعيش اما الجنون سخفو عليا رجعولي روحي اما كان المقابل اني نولي نراهم و نحكي معاهم
- ملا حكاية و الله تجي فيلم يقتل
ضحكت و قاتلو
- انا هاني حكيتلك حكايتي و انت شنيا حكايتك
- انا مهدي امي و بابا الله يرحمهم تربيت عند عمي الله يرحمو و انت اول وحدة تجيني للدار خاطر انا بحكم خدمتي معنديش برشا صحاب .
- اية باهي معناها احنا تو ولينا صحاب
- بالطبيعة صديقتي
( تو نص الليل)
طلعو كل واحد لبيتو بدلو حوايجهم و تكاو على فروشاتهم .
تقلبو يمين و يسار و شي ما جاهمش النوم .
قامت رؤية مالفرش هبطت للكوجينة تلقاه بشورت و بلاش مريول في ضهرو تاتواج متع اسد و هو قاعد يعمل في crêpe قعدت تغزرلو و تضحك ياخي دارلها :
- شبيك تضحك ؟؟
- ما فيباليش بيك تعرف تطيب
- عندي عامين عايش وحدي تعلمت بارشا فازات
- اية باهي هههه
قربتلو و قعدت فوق الرخامة تع الكوجينة
- كان مكش مصدقتني هاك جرب
ومدلها كعبة crêpe
ذاقتها
- امم ، بنينة هاك طلعت تعرف تطيب بالحق هه
- مالا لا مهدي راني
- هههه باهي سي مهدي شقاولك نعمل قهوة و نقعدو في الجنينة
- و الله فكرة حلوة
مشات حطت طاولة اللي في الجنينة و عملت القهوة و قعدو ، كلاو ل crêpe و شربو القهوة ياخي طار عليهم النوم .
ياخي غزرلها مهدي
- شقاولك نلعبو مونوبولي
- ياا و الله فكرة
مدت المونوبولي و قعدو في الجنينة حتى طلعت الشمس و هوما يلعبو و مش فايقين بالوقت .
هوما هكاكة و ينوقز تاليفون مهدي طلعت رسيل سيكريتار متاعو :
- صباح الخير سي مهدي
- صباح الخير رسيل
- سي مهدي حبيت نذكرك اللي ليوم عندك مقابلة مهمة مع سي هارون
- باهي يعيشك رسيل حكاية نص ساعة نكون في البيرو
علق التاليفون و قام يجري عمل دوش و بدل دبشو ياخي عرضتو رؤية في الباب :
- مهدي امان ميسالش نمشي معاك
- لوين انا تو ماشي نخدم
- اي نعرف امان ميسالش هزني معاك نخاف نقعد و حدي في الدار
- باهي للا تتدلل هيا اركب .
ركبو في الكرهبة و مشاو و صلو للشركة دخلها بحذا رسيل :
- رسيل هذي رؤية
رؤية هذي رسيل
- تشرفنا مدام رؤية
- مانيش مدام احسبني كي اختك منحبش الالقاب و زيد انا منيش معرسة
- باهي رؤية انا رسيل و انت تنجم تحسبني اختك و صاحبتك
مهدي قعد يغزرلها و يضحك و دخل للبيروه .
هو هكاكة و يدخل سي هارون
- عسلامة سي هارون
- عسلامة سي مهدي
- تفضل اقعد
- يزيد فضلك
قعدو يحكيو و اتفقو على المشروع في اقل من ساعة خرج سي هارون فرحان ومهدي بش يطير بالفرحة خاطر المشروع هذا ينجم يخلي الشركة متاعو international من كثر ماهو فرحان زاد في شهاري الخدامة الكل و عطاهم كونجي نهار كامل و هز رؤية و خرج مشا لدارو و هو بش يطير بالفرحة قال للرؤية :
- انت وجهك مبروك عليا و لازم نكافئك
- يعيشك اما شصار
- انا ليوم صححت على الوثيقة اللي بش تبدلي حياتي
فرحت رؤية بارشا و عنقتو هو مالاول استغرب اما مبعد عنقها
- هيا نمشي
- للوين
- ماني قتلك بش نكافئك
- اي اما وين بش نمشيو
- برا حط ساكك بش نسافرو
- اه لوين بش نسافرو
- لوين تحب قولي برك
- انا بصراحة ماذابية للجربة
- مشات معاك للجربة
فرحت و عاودت عنقتو و طلعت للبيتها تحط في دبشها و هو طلع لبيتو يحط في ساكو .
حضرو رواحهم و هبطو تلاقاو قدام الباب . هو لابس شورت متع بحر ازرق و خلعة بيضا مزينة بالازرق
و هي لابسة شورت دجين و خلعة كحلا و هازة ساكها :
- هيا نمشيو ؟؟
- هيا
ركبو في الكرهبة و مشاو للمطار
بالصدفة مهدي يلقا صحابو اللي قراو معاه في الجامعة نجلاء و نبيل راوهم جايين ياخي نجلاء عيطتلو : - مهدي يا مهدي
- وين ترا فيه مهدي
(نجلاء و نبيل يحبو بعضهم ماللي كانو في lycée وكي تخرجو عرسو)
تلفت نبيل وراه يلقاه هوا و رؤية
نبيل - عسلامة سي مهدي شهلغيبة
عنقو بعضهم و قعدو يحكيو
نجلاء - اي والله توحشناك مهدوش
مهدي - والله خدمة و شركات و ماكم تعرفو
نجلاء - اية باهي ، معرفتناش
مهدي - هاذي رؤية ، صاحبتي
نبيل - امان تصوحب و متقوللناش
مهدي - لا تهنا مش اللي في مخك احنا صحاب عادي ما بيناتنا حتى شي
نجلاء - تشرفنا عزيزتي
رؤية - يعيشك و بيك اكثر
نبيل - مقتليش عاد شتعمل هوني
مهدي - ماشين للجربة كان سهل ربي
نجلاء - يا بلحق مالا هانا ماشين مع بعضنا ملا جو
ركبو في الطيارة قعدو بحذا بعضهم
رؤية و نجلاء ولاو صحاب برشا .
(وصلو للجربة)
(في الاوتيل)
مهدي و نبيل قعدو يعمرو في الاوراق و نجلاء و رؤية مشاو يعملو في دورة .
خذاو نجلاء و نبيل بيت و رؤية و مهدي بيت مشا مهدي بش يثبت مالحكاية يلقا اللي الاوتيل complète رصاتلهم في بيت وحدة مشا للرؤية و حكالها الحكاية هي متقلقتش اما وين بش يباتو طلعو للبيت يلقاو فما زوز فروشات بعاد علا بعضهم فرحو و خطو دبشهم و لبسو ميواتهم و هبطو بش يعومو في البيسين .
مشاو هبط مهدي يعوم و هيا تغزرلو و تعشق فيه :
مهدي - شنوة ماكش هابطة ؟؟
- هاني بش نهبط نحات الخلعة و الشورت قعدت في 2 pièces قعد يغزرلها باهت في زينها عاجبتو و مش منجم يشد روحو شدها من يدها و دزها في الماء و هبط وراها
- مهدي علاه هكا شعمتلك
- هكا خاطرك خرجتني من عقلي
بهتت فيه ياخي شدها من يدها وقاللها
- انا من اول نهار ريتك فيه عجبتني كنت نحاول بش نبعد عليك اما شي منجمتش نحبك يا طفلة نحبك و الله نحبك
ضحكتولو وقربت شفايفها لوذنو
- حتى انا نحبك
معادش ينجم يشد روحو حط شفايفو على شفايفها و باسها هوما هكاكا و يشوفوهم نبيل و نجلاء
نبيل - ما بيناتكم حتى شي لا ظاهر ههههه
قامو يضحكو و مشاو لبيوتهم بش يبدلو خاطر بش يخرجو في الليل .
#الحلقة_6
(تو 8 متع الليل)
حضرو رواحهم لبست نجلاء روبة طويلة حمراء بينتلها تفصيل بدنها الكل اما رؤية لبست سروار و مريول كحل راتها نجلاء :
- علاه كحل و علاه سروال و مريول
- معنديش روب و معنديش الوان اخرى
- ااه ايجا معايا تو نشوفلك روبة
هزتها للبيتها و مدتلها روبة fleuris قصيرة ظهرها عريان ومدتلها تالون اكحل و مكيجتلها شوية و عملتلها شعرها بابيليس طلعت تفتق
- ياا يعيشك يا نجلاء
رؤية تغزر للروحة و هي تتبسم و حالة فمها مش مصدقة .
مهدي لبس شوميز بيضاء مبينتلو بدنو و سروال اكحل و عمل بارفان و خرج يستنا فيهم . يلقى نبيل قدام بيتو يستنا في نجلاء و رؤية
- شبيك صاحبي
- هاني نستنا في للا مرتي
هوما يحكيو هكاكاة و باب البيت يتحل و تخرج نجلاء و الروبة الحمراء تتكركر و وراها خرجت رؤية دوب ما راها مهدي عنقها و مش مصدق عينيه :
مهدي - يا روحي ياخي تحب تخرجني من عقلي ولا شنوة
رؤية - بلحق عجبتك
مهدي - عجبتني ؟؟ يا بنتي مش عجبتني برك ماذابيا نخطفك
نبيل - سامحوني نقص على كلامكم بالعسل اما ماعادش بكري
ضحكو الكلهم و مهدي شد يد رؤية و نبيل شد يد نجلاء و خرجو كوبلوات يفتقو .
مشاو للريستو مضخم قعدو مع بعضهم فرد طاولة و بداو يتعشاو و يحكيو
و هوما يتعشاو قامت رؤية للتواليت و هي تمشي يتقص الضو العباد الكل تفجعو و رؤية منجمت ترا شي هي ماشيا بش ترجع بحذاهم في الطاولة متحس كان في شكون حط يدو على فمها و هزها قامت تصيح ياخي حطلها الالكول في خشمها لين داخت .
رجع الضو قام مهدي يجري يلوج على رؤية ملقاهاش تفجع و طلب البوليسية و خرج يجري البرا يلقا منڨالتها طايحة في القع و يرا في اثار كرهبة هز كرهبتو و مشا يجري يتبع في الاثار و هو بش يهبل و مخو مش واقف عالخدمة .
(نرجعو للرؤية )
مسكينة قامت تلقى روحها مربوطة في كرسي ولات تصيح و تعيط و هيا هكاكة و ترا في راجل ماشي و يقربلها ، خافت اما ما حبتش تظهر ڨحرتلو و قتلو :
- متعرفنيش انا بنت شكون
- ههه انت ، متقليش امك عاودت عرست
سككتت و دمعتها هبطت ياخي قربلها مسحلها دموعها حللها يديها و وقفها :
- امان يعيش بنتي متبكيش
- بنتك شكون بنتك انت شكون
- رؤية بنتي الغالية و عنقها
هي هكاكاة و رات جنية صغيرة جات قالتلها :
- مش كنت تحب على بوك هذا هو بوك بشحمو و لحمو
تفجعت الطفلة و دزتو
- انت بابا ؟؟
- اي بنتي انا بوك سمحني خاطر مجيتكش
- ابعدني منحبكش نكرهك علاه مجيتش 17 سنة نستنى فيك و انتي الله اعلم وينك ابعدني ماكش بابا بابا مات و ماكش انت ، حياتي الكل تدمرت على خاطرك بابا مات مات مات ( تبكي بالشهقة )
مهدي مسكين قاعد يسوق و مخو بش يتفلق بالتخمام هو يسوق ميرا كان في دار كبيرة و الكرهبة اللي هزتها هبط مالكرهبة يجري و مشا يدق في الباب بقوتو الكل و يصيح :
رؤية يا رؤية وينك رؤية
سمعتو ولات تصيح : مهدي يا مهدي ايجاني هاني الفوق
خلع الباب و دخللها هبطتلو تجري و عنقتو و قعدت تبكي في حضنو هزها و خرج يجري ركبها في الكرهبة و قعد شاددها من يدها و يهدي فيها .
وصلو للمطعم حكاو للبوليسية و رجعو للاوتيل .
رؤية ليلة كاملة منجمتش ترقد مالخوف و مهدي يغزرلها و قلبو يوجع فيه مش عارف شنوة يعمللها .
(تو 3 متع الفجر )
رؤية قامت و قعدت بحذا مهدي تكات على صدرو و عنقتو و هي ترعش قعد يمسحلها على راسها حتى رقدت .
من غدوة قامت لقاتو حاطلها الفطور فوق الفرش و دخل يدوش ، كمل الدوش و خرج يلقاها تفطر :
- صباح الخير مهدوشي
- صباح النور يا روح مهدوشك
- اية عاد بدل نحب نمشي للبحر
- تتدلل يا روحي
لبسو دبشهم و مشاو للبحر :
- مهدوشي
- يا روح مهدوشك
- شبيك مسإلتنيش عاللي صار البارح
- ما حبيتش نقلقك يا روحي
- باهي تحب نحكيلك
- كيما تحب
حكاتلو الحكاية الكل
- معناها بوك بالحق ماماتش
- هذاكا شنوة صار
- هيا نرجعو للدار اللي لقيتك فيها
- لا منحبش نتذكرو تو كي ننسى شويا تو نمشيو
- على كيفك
و قرب شفايفو لوذنها و قاللها :
- ماذابية نقعد معاك حياتي الكل
حطت صبعها على فمو و عدات يدها على و جهو و باستو بوسة خفيفة .
كملو مشاو على الشط يحكيو و يضحكو و هوما هكاكة نحات رؤية روبتها قعدت في pièce 2 و دخلت تعوم ياخي نحا مريولو و دخل وراها.
البحر بارد برشا رؤية و قفت عالعومان معادش تنجم تكمل غزرلها مهدي :
- شبيك وقفت ههه
غزرتلو و قعدت ترعش مالبرد
- ما..عادش..نجم..نكمل(صوتها يرعش)
شدها من يدها و جبدها ليه جات في حضنو كبشت فيه بقوتها الكل ماعادش تنجم تتحرك حست روحها جامدة في بلاصتها حست بدفا في حضنو حست روحها في عالم اخر ماذابيها تقعد في حضنو حياتها الكل شدلها وجها بين يديه :
- هيا نخرجو ؟؟
عملتلو براسها اي و شدلها يدها و خرجو قعدو شوية عالرمل يغزرو للبحر .اللي يراهم مع بعضهم كوبل يفتقو .
هزت راسها و غزرتلو :
- مهدي 😇
- نعم يا روح مهدي
- نحب نعمل تاتواج
- فاش قام
- نحب نعملو تاتواج انا و انت بش تقعدلنا تذكار على جربة
- و الله فكرة حلوة مشات معاك
هزها طلعو للبيت بدلو حوايجهم و خرجو مشاو لل réception و سألو على واحد يعمل تاتواجات عطاوه ادريسة حومة متع مجرمة .
هز كرهبتو ركب فيها هو رؤية و مشا للادريسة اللي قالولو عليها يلقاها الكل بانديا يديهم الكل موشمة و ماشين جايين يدورو بالسكاكن .
هبطو مالكرهبة و رؤية علا قد ماهي خايفة كبشت فيه و قتلو هكا نحس روحي مرتاحة ، سكر الكرهبة و مشاو دقو عالباب حللهم طفل صغير دخلهم و قعدهم فوق فوتاي و مبعد جا اللي يوشم (راجل كبير )يلقاها ترعش بالخوف سألها :
- بنتي شنوة تحب نعملك ؟!
قربت منو و وشوشتلو في وذنو تبسم و قالها انت تأمر و انا نفذ مشا جاب محرمة و ربطها على عينين مهدي ياخي تفجع و نحا المحرمة
- شفما شصار ؟؟
شدتلو يدو و قتلو
- انا قتلو يربطلك محرمة على خاطري ميسالش عاود اربطها
- ااه اي باهي
ربط المحرمة و شدلها يدها و هي تعمل في التاتواج كملت عملتو و شدتلو يدو قعدتو عالكرسي و بدا الراجل يعملو في التاتواج .
كي كمل نحا المحرمة و غزر ليدو ياخي استغرب كمل خلص الراجل و خرجو .
( في الكرهبة )
- مقتليش شقاولك في التاتواج ؟؟
- مزيان اما مفهمتش علاه خترت مثلث بالذات
- هذا ماهوش مثلث عادي هذا
triangular theory of love
- هاك تعبر في اللغة اما شنية حكايتو
- هو يجمع بين مكونات الحب و هوما الالفة و الشغف و الالتزام و كمية الحب يعتمد على قوة المكونات الثلاثة و علاقتهم ببعضهم
- اول مرة نسمع بيه اما عجبتني فكرتك
غزرتلو لعينيه و عيناها بدموع
- انا الوشم هذا عملتو بش تقعد تتفكرني و متبعدش عليا كيما بعدو عليا امي و بابا
قرب شفايفو لوذنها و شوشلها
- انا عمري لا نبعد عليك
شدلها يدها و خدم الكرهبة و مشاو للاوتيل.
(في الاوتيل )
دخلو للاوتيل يلقاو نجلاء و نبيل يستناو فيهم
نجلاء - هيا شقاولكم نعملو دورة في جربة ؟
مهدي - و الله فكرة حلوة شقلت رؤية ؟؟
رؤية - اي هيا حتى انا فديت مالاوتيل
نبيل - مالا هيا براو بدلو دبشكم هانا نستناو فيكم
طلعو للبيت لبست شورت ابيض و سبادري adidas
و خلعة كحلة و فيست بيضا طويلة عملت مكياج خفيف و شدت شعرها كعكة و لبست lunettes خرجت تفتق و هو لبس مريول ابيض ضهرلو بدنو و شورت باج و سبادري ابيض عمل بارفان .
كملو بدلو حوايجهم شدو يدين بعضهم و هبطو و العباد تغزرلهم و تصلى عالنبي محلاهم خرجو يفتقو على بعضهم و صلو للنبيل و نجلاء
نجلاء - هيا نمشيو ؟؟
مهدي - اي هانا حاضرين
نبيل شادد نجلاء و مهدي شادد رؤية و يمشيو في السوق قول عليهم فرانسيس ماشين و عاملين جو و مش حاسين بالوقت .
( تو 7 متع العشية )
رؤية - ههه الوقت يجري
نجلاء - اي بالحق ماعادش بكري
نبيل - هيا نروحو مالا
مهدي - كيما تحبو
خذاو تاكسي و مشاو للاوتيل يلقاو فما حفلة طلعو بدلو دبشهم و هبطو يلقاو الحفلة متع عيد ميلاد بنت مولا الاوتيل الصغيرة .
رؤية تحب الصغار برشا مشات تجري للمهدي
- مهدوشتي
- يا بلوت مهدوشتك
- ايجا معايا
- لوين ؟؟
- للي يبيع الذهب
- علاه
- هكا نحب ناخذلها شركة
- شركة ذهب ؟؟!
- لا نحب ناخذها فضة
- علاه فضة بالذات
- هكا خاطر انا منحبوش الذهب
- باهي كيما تحب صغرونتي
هزها للي يبيع الذهب سألو على الشرك الفضة مدلو 3 شرك قالو هاذم اخر وحيد قعدولي
وحدة فيها قلب و لخرا نجمة و وحدة فيها مثلث
خذات رؤية القلب و خلصتو و خرجت تجري طايرة بالفرحة و مشات وراتها للنجلاء . اما مهدي عجبتو اللي فيها مثلث خذاهالها و خلص الراجل و خرج .
نبيل - وين مشيتو
رؤية - مشيت ناخو في كادو للبنت مولا الاوتيل
نجلاء - ايه باهي مالا هيا نمشيو للاوتيل
رؤية - اي اي نحب نوريهالها
ركبو في الكرهبة و رجعو الاوتيل
رؤية مشات تجري للمولات العيد ميلاد
رؤية - عسلامة صغرونة شسمك
- اسمي رسيل
- رسيل يا محلاه اسمك
- يعيشك تاتا
- انا مانيش تاتا انا اسمي رؤية
- يعيشك رؤية
- طلع انا شنوة جبتلك
- شنوة
مدتلها باكو احمر و عطاتهولها
رسيل - يا محلاها الشركة يعيشك رؤية
رؤية - بالحق عجبتك
رسيل - اي تهبل
لبستها و هي فرحانة بش تطير بالفرحة .
كملو السهرية و طلعو لبيوتهم رقدو خاطر بش يموتو بالتعب
اليوم نهار جديد اخر نهار في جربة خاطر مهدي يلزم يرجع للشركة .
رؤية - صباح الخير مهدوشي
مهدي - صباح الخير يا روحي هيا قوم حط دبشك و ريڨل روحك
رؤية - علاه
مهدي - كلموني في الشركة قالولي لازم نرجع خاطر المشروع يبدا غدوة
رؤية - ااه باهي هاني قايمة
قامت و ريڨلت روحها حطت ساكها و لبست combinaison حمراء و سبادري adidas اكحل و عملت rouge à lèvre و سيبت شعرها و حطت ساكها على ضهرها و هبطت بحذا مهدي في réception مهدي كمل خلص الاوتيل و شدلها يدها و خرجو ركبو في تاكسي و مشاو للمطار ركبو في الطيارة .
( في دار مهدي )
- الحمدالله وصلنا تعبت برشا
- لطف عليك مهدوشتي
- يعيشها زينتي
- برا ارتاح غدوة نهار صعيب
- بلحق هاني طالع انا
- باسها من جبينها هز ساكو و طلع عمل دوش خفيف و رقد .
و هي طلعت بدلت دبشها و تكات على فرشها حتى لين هزها النوم .
اليوم نهار جديد
قام مهدي لبس سروال دجين و شوميز كحلاء و سبادري اكحل adidas و عمل بارفان و هبط يلقا رؤية تعملو في فطور صباح باسها من جبينها
- صباح الخير
- صباح النور عزيزي
- هيا انا ماشي
- ماكش بش تفطر معايا
- لا ماعادش بكري عليا حضر روحك في العشية عندي ليك مفاجأة
- شنيا
- كان نقلك ماعادش تولي مفاجأة
- ايه باهي ههه
هز كعبة خبز و مشى هو خرج منا و هي عيطت للجني منا
- نعم رؤية شنوة حاشتك بيا
- اسمعني نحبك تبع مهدي و قلي شنوة يعمل
- انت تأمر و انا نفذ
- هيا امشي عاد
- باهي هاني ماشي
مشا يتبع في مهدي و يعس عليه .
تو الستة متع العشية
الجني - رؤية يا رؤية وينك
- هاني لهنا شنوة صار شنيا المفاجأة ؟؟
- منعرفش اما اللي عرفتو ان هو يحبك تلبس بالابيض
- ااه باهي يعيشك تو تنجم تمشي
- هيا باي باي
مشات رؤية لبيتها فرتت خزانتها لكل ياخي لقات روبة بيضا طويلة بالدانتال ضهرها عريان كي روب العرايس لبستها و سيبت شعرها عملت مكياج خفيف و لبست تالون ابيض و خرجت من بيتها تلقاه يستنا فيها في الصالة .
- شبيك مكلمتنيش مهدوشتي
- حبيت نعملهالك مفاجأة
- هههه و شقاولك في لبستي
- تهبل عروسة على حالك هيا نمشيو
- اي هيا
شدلها يدها ركبها في الكرهبة و مشاو
غمضلها عينيها و بدا يمشي فيها بشوية بشوي حللها عينيها تلقاها بلاصة في وسط غابة والشجر الكل يلمعو كينهم نجوم غزت للقع تلقا ممشى لكلو نوار و في اخرو طاولة فوقها شموع و ورد و ماكلة :
- ياا مهدي انت عملت هذا الكل علا خاطري
- هذا لكل ميسوا شي قدام عينيك الحلوين
- ياا مهدوشتي نحبك بارشا
- وانا نموت عليك يا قلب مهدوشتك
شدها من يدها و قعدها فوق الكرسي و قعد مقابلها :
- مقتليش شقاولك في المفاجأة
- تهبل يا روحي
قعدو يتعشاو و يحكيو و مبعد جاو زوز يعزفو عالكمنجة و قام مهدي شدها من يدها و قيمها و قعدو يشطحو :
- رؤية
- نعم يا روح رؤية
- عندي منقلك
- شنوة انشاءالله خير
وقفت الموسيقة قعد على ركبتو و مدلها خاتم
- تعرس بيا
حطت يدها على فمها و صاحت
- اي اي اي
و عنقتو و هي فرحاااانة لبسلها الخاتم و كملو يشطحو
(تعداو شهرين تو)
مازالت جمعة على عرسهم حضروا رواحهم و يستناو في ناهر العرس بالدقيقة و الدرج .
هوما قاعدين في الصالة و ينوقز باب الدار قامت رؤية بش تحل .
حلت الباب ياخي تلقاه بوها قامت تصيح :
- برا ابعدني نكرهك اخرج ارجع منين جين نكرهك منحبش نراك شمجيبك
سمعها مهدي تصيح قام يجري يلقاها تصيح على بوها محبش يدخل
- امان يعيش بنتي اسمعني
- منحبش نسمعك مانيش بنتك و ماكش بابا و عمرك لاك بش نكون بابا معندك متقلي .
و سكرت الباب في وجهو و ترشقت بالبكا ، كي راها مهدي تفجع عليها شدها من يديها
- هيا قوم
- لوين ( وهي تمسح في دموعها )
- قوم برك تو تعرف وين
حملها و حل الباب و خرج ركبها في الكرهبة و مشى
- مهدي قلي امان وين بش تهزني
- بش نهزك لبلاصة تفرغ فيها قلبك
سكتت و قعدت تغزر للثنية .
وصلو للبلاصة عالية تحتها بحر و مفما حتى حد يسكن غادي هبطها مالكرهبة و وقفها عالحافة وقاللها
- صيح
- شنوة
- قتلك صيح
- علاه
- صيح تو ترا روحك قداه تتفرهد قول الي في قلبك لكل
شدتلو يدو و بدات تصيح :
- نكرهك يا بابا تمنيت كان عشت معاك اما تو وفا الوقت يا ريتك متت بالحق حبيت نعيطلك بابا حتى مرا وحدة اما انت مخليتنيش .
و قامت تضحك بالقوي فرحانة خاطر فرغت قلبها و ارتاحت .
غزرت لمهدي في عينيه طلعت على طراطش صوابعها (خاطرو اطول منها) مسحتلو على وجهو بيديها قربت شفايفها لوذنو و قتلو :
- كان مش انت انا راني ميتة تو
- اسكت ماعادش تعاودو لكلام هذا
و شدلها و جها بيديه و باسها من راسها .
شدلها يدها و ركبو في الكرهبة و روحو خاطر الليلة بش يعملو حفلة توديع العزوبية .
كلمت رؤية نجلاء :
- عسلامة نجلاء
- عسلامة عزيزتي
- تنجم تجي بحذايا تو
- اي بالطبيعة اما شفما حتى الحفلة مزال بكري عليها
- اي حاشتي بيك معرفتش شنوا نعمل هه
- ههه باهي درجين و نكون بحذاك
- يعيشك يا نجلاء هاني نستنا فيك مالا
- منغير مزية هيا نتقابلو في الدار
- هيا باي باي
- باي باي
سكرت التالفون هبطت تجري لمهدي عنقتو :
- مهدوشي
- يا روح مهدوشك
- شنوة برنامجك للحفلة الليلة ؟؟
- وانت علاه تسأل ههه ؟
- لا شي اما هاو فيبالك الليلة بش تهز صحابك و تباتو في بلاصة اخرى
ضحك و غزرلها :
- كان من قبل العرس بش تطردني شنوة بش تعملي بعد ما نعرسو ههه
- نحب نعمل حفلة صغيرة في الدار و الكلهم بنات
- ههه يعيشها المغيارة باهي تو نبات في الاوتيل انا و صحابي
- تفاهمنا مالا
- اي يا مادامتي تفاهمنا
- مزلت ما وليتش مدامتك راو مزالت جمعة كاملة عالعرس
- يا ربي وقتاش توفا هالجمعة ماذابيا نڨرمشك
- ههه تو توفا فيسع تهنا
هوما هكاكة و تدق نجلاء الباب
حللها مهدي الباب و طلع لبيتو يحط في ساكو .
نجلاء - عسلامة عزيزتي
رؤية - عسلامة هيا ادخل
دخلوا قعدو في الصالة :
- شبيك مالا قتلي
- منعرفش شنوة بش نعمل اول مرا نعمل حفلة
- باهي اول حاجة لازم نعملوها الضيوف .... كلمت صحابك ؟؟
- ما عنديش اصحاب غيرك انت و رسيل و نبيل
- شكون رسيل ؟؟!
- رسيل سيكريتارت مهدي
- باهي كلمها و انا تو نكلم شوية بنات كانو صحابنا في الجامعة
- اي والله فكرة اطلبهم تو
طلبتهم و تفاهمو عالوقت و البلاصة و كل شي
- تو الماكلة و الزينة
- تو نطلب ال restaurant و نقلهم يحضرولي ڨاتو كبيرة و شوية تناوش .
- فكرة باهية و الزينة تو نخملو الدار و نبدلو الديكور شوي .
هوما هكاكة و مهدي هبط مشاتلو رؤية تجري :
- مهدي ميسالش نبدلوا ديكور الدار ؟؟
- كيفاه بش تبدلو
- قلت نشريو موبيليا جديدة
- كيما تحب عزيزتي انت تأمر و انا نفذ
- يعيشو عزيزي
باستو من خدو و رجعت بحذا نجلاء و مهدي خرج ركب في الكرهبة و مشى لدار نبيل .
(في دار نبيل)
- اهلا خويا
- اهلا يا عروس هيا ادخل
دخلو و قعدو في الصالة يحكيو
- مقتليش شنوة بش تعمل الليلة
- كنت نخمم نتلمو مع الاولاد و نمشيو نعملو سهرية في البحر كي متع قبل
- والله فكرة هيا نمشيو
- هيا
هزوا كرهبة مهدي و مشاو كلمو صحابهم و تفاهمو معاهم .
(نرجعو للرؤية)
طلعت رؤية لبيتها هيا و نجلاء بش يريڨلو رواحهم
لبست رؤية روبة كحلاء قصيرة مفصلة على بدنها و تالون اكحل و سيبت شعرها و عملت مكياج خفيف طلعت تفتق بالزين و نجلاء لبست روبة زرقاء غامقة طويلة مفصلة عليها و تالون اكحل و عملت شعرها بابيليس خرجت عروسة .
هبطو مالبيت حطو الڨاتو و الماكلة فوق الطاولة و ريڨلوها و قعدو يستناو في البنات .
(تو السبعة متع العشية)
نوقز باب الدار حلت نجلاء تلقاهم البنات دخلتهم للصالة و قعدو :
- رؤية هاذوما اماني ، سارة ، ريما ، سيرين و انس
- تشرفنا
- و بيك اكثر
سلمو على بعضهم و قعدو يتفكروا في ايامات زمان و بوطولات مهدي و هي تسمع فيهم و تضحك فيسع ولات صحاب هي وياهم .و تعدات سهرية تفتق .
و سي مهدي مشا للاوتيل ريڨل كل شي و حضر القعدة عالبحر جاو صحابو و قعدو عالشط يحكيو و يتذكرو في اياماتهم و يضحكو و شايخين عداوها سهرية للصباح .
اليوم نهار جديد قامو البنات ريڨلو الدار اليوم بش يمشيو يختارو الموبيليا الجديدة كلمت رؤية مهدي بش تشوفو وقتاه بش يجي :
- صباح الخير مهدوشي
- صباح الخير قطوستي
- هيا وينك معادش بكري
- هاني في réception نخلص في البيوت انا و نبيل
- باهي هانا نستناو فيكم
كملو خلصو و هزو الكرهبة و مشاو للدار هزوهم ومشاو للي يبيع الموبيليا اختارو بيت النوم و بيت الصالة يفتقو شراوهم وروحو لديارهم .
(في دار مهدي)
رؤية و مهدي قاعدين في الصالة يتفرجو في فيلم حتى لين هزهم النوم .
تو نص الليل قامت رؤية هزت راسها تلقى مهدي معنقها مسحتلو على وجهو ياخي قام :
- شبينا راقدين هنا ياخي
- الظاهر هزنا النوم و احنا نتفرجو في الفيلم
- هيا نقومو نمشيو لبيوتنا
- انا طار عليا النوم
- و انا زادة معادش عندي نوم
- هيا نعملو حاجة ناكلوها
- هيا حتى انا جعت
مشاو للكوجينة و بداو يبربشو مدت رؤية الخضرة و قصت سلاطة و مهدي عمل بيتزا وقعدو ياكلو
كملو كلاو و مشاو لبيوتهم و رقدوا .
(نهار العرس)
قامت رؤية 7 متع الصباح ، فطرت و بعد مشات تتطلب في نجلاء :
- صباح الخير نجلاء
- صباح الخير يا عروسة
- هيا بش تتعدالي
- اي بالطبيعة
- مالا هاني نستنا فيك
- باهي درجين و نكون بحذاك
- هيا باي تو
- باي باي
طلعت رؤية لبيتها لبست دبشها و هبطت تستنا في نجلاء بش يمشيو يجيبو الروبة ، وصلت نجلاء دقت الباب حلتلها رؤية سلمت عليها و ركبت معاها في الكرهبة .
(نرجعو للمهدي)
قام مهدي من فرشو يجري مشا للنبيل هزو و مشاو يشوفو في costume العرس .
نجلاء و رؤية جابو الروبة و رجعو للدار و لبست نجلاء روبتها و شدت شعرها كعكة و عملت مكياج خفيف (كيما في التصويرة)
- ياا محلاها الروبة يعيشك نجلاء
- بالحق وتاتك بالڨدا
- و الله كان مش انت منعرفش شنوة بش نعمل
- متقول هالكلام ما بيناتناش
و قعدو يحكيو يستناو في الوقت.
مهدي و نبيل جابو الكوستيم و مشاو للدار نبيل لبس مهدي الكوستيم و ريڨل شعرو :
- صحا يا عروس
- يعطيك الصحة خويا
وقعدو يفدلكو و يحكيو حتى لين جاء الوقت .
(تو 6 متع العشية )
هز مهدي كرهبتو و مشى بش يجيب رؤية و نجلاء .
وصلو لدار حل مهدي الباب يلقاهم يستناو فيه غزر مهدي للرؤية حالل فمو مش مصدق اللي كهو جاء نهر عرسهم اخيرا بش يعرسو اخيرا بش تولي متاعو راتو واقف باهت فيها مشاتلو تجري :
- مهدوشي جيت
- اي جيت يا روح مهدوشك
- شقاولك في الروبة زينة ؟!
- انت كل شي تلبسو يطلع زين عليك
- مهدوشي ريت الايامات كيفاه تجري ساعة اخرا و نولي متاعك و تولي متاعي ساعة اخرا و نعرسو
- اي الحمدالله قداه عندي نستنا فيه هالنهار هيا نمشيو
- اي هيا معادش بكري
شدلها يدها و ركبها في الكرهبة و ركبت نجلاء بحذاها و مهدي يسوق و نبيل قعد بحذاه ، مشاو للبلدية كتبو الصداق و مشاو للصالة .
وصلو هبطو مالكرهبة و شدو يدين بعضهم و دخلو للصالة فرحانين مش عارفيين شنوة يستنا فيهم . قعدو في بلايصهم يسلمو عالضيوف اما الضيوف ماكانوش عباد برك حتى الجنون حضرو و بش يعبرو للرؤية على شكرهم ليها عاللي تحملتو على خاطرهم هزو الورد اللي في الصالة الكل و كتبولها مبروك في الهواء العباد الكل قعدت حالا فامها عجبتهم الحكاية اما فرد و قت مش مصدقين اللي يراو فيه فيبالهم سبيكتاكل ، حطو الغناء و جبدتهم نجلاء بش يشطحو وقفو في وسط الصالة و بداو يشطحو فرحانين هوما هكاكة و تتدهشر رؤية و تطيح في القع دايخة العباد الكل قامت تصيح و نجلاء ولات تبكي ، هزها مهدي يجري ركبها في الكرهبة و عينيه مليانة بالدموع ، و نبيل هز نجلاء و ركبها في الكرهبة و خلط عليهم و الضيوف مصدومين مش مصدقين اللي راوه مالفجعة روحو الكل لديارهم .
وصل مهدي للسبيطار و عينيه تدمع دخلوها طول
للاستعجالي و عملولها التحاليل اللازمة استناو حتى فاقت هزوها للبيت ترتاح شوية ركبولها سيروم و قالولها بش تبات في السبيطار حتى تطلع التحاليل .
دخل مهدي للطبيب :
- دكتور قلي شبيها امان
- منعرفوش حتى تطلع التحاليل بش نعرف شنوة عندها بالضبط و لازم تبات في السبيطار الليلة بش نراقبو حالتها الصحية .
- باهي نجم نقعد بحذاها الليلة
- اي بالطبيعة اما انت شنوة تقربلها
- انا راجلها
- باهي برا كمل الاجراءات و امشيلها
- يعيش دوكتور
- منغير مزية
خرج مهدي مالبيرو و مشا يجري للreciption كمل الاجراءات و مشى يجري للرؤية دخل عليها يلقاهة فايقة و تاعبة قعد بجنبها شدلها يدها و حط يدو على خدها :
- عزيزتي شتحس في روحك تو
- لاباس الحمدالله شصار ياخي
- كنا نشطحو ياخي انت دخت
- اي تذكرت دنيا دارت بيا حسيت روحي بش نموت
- لطف عليك مالموت معادش تعاودها تفاهنا
- باهي تفاهمنا
وقعد بحذاها و هو يمسحلها على شعرها هوا هكاكة و دخلو عليه نبيل و نجلاء .
نجلاء - اللطف عليك عزيزتي و الله فجعتنا
نبيل - انشاء لاباس رؤية
رؤية - يعيشكم والله تعبت رواحكم
نجلاء - معادش تقول هالكلام ما ببناتناش احنا
نبيل - هيا خلي نمشيو خليها ترتاح تو نرجعولها غدوة
نجلاء - اي تصبح على خير عزيزتي تو غدوة نجي نطل عليك
رؤية - تصبح على خير يعيشكم على كل شي
نبيل - منغير مزية هيا باي باي
و خرجو قعد مهدي يمسح على شعر رؤية حتى لين هزها النوم .
اليوم نهار جديد قامت رؤية تلقا مهدي راقد بجنبها مسحتلو على وجهو بالشوية :
- مهدوشتي
حل عينيه و غزرلها
- صباح الخير شتحس في روحك تو
- الحمدالله عندي شوية دوخة اما لاباس
هوما هكاكة و دخل عليهم الطبيب
- صباح الخير مدام رؤية شحاسة روحك تو
- عندي شوية دوخة
- التحاليل توصل بعد شوية كي توصل تنجم تروح
- يعيشك دوكتور
و مشا للبيروه
(وصلت التحاليل )
قراها الطبيب و عيط لمهدي
- سي مهدي فما حاجة مش باهية في التحاليل
تفجع مهدي
- شفما شنوة اللي مش باهي
- مدام رؤية عندها concert في الدم (عفانة و عافاكم الله )في مرحلة متقدمة
- شنوة شتقصد معناها تنجم تبرا و لا لا (مهدي بدا يصيح مش فاهم شنوة اللي صار)
- احتمال انها تبرا مش اكثر من %10
- و كيفاش الدواء
- تو دواها عند ربي الكيماوي مش بش يعمل حتى مفعول
مهدي عينيه دمعت مش مصدق اللي يسمع فيه مش مصدق اللي رؤية تنجم تمشي عليه
- اي و شنوة الحل معناها كهو ( مش منجم يقولها و لا حتى يخمم فيها بعد ما تعلق بيها مينجمش يسيبها مينجمش يقعد نهار ميراهاش )
- سمحني سي مهدي الدواء الوحيد تو عند ربي ادعيلها و متعرفش برشا عباد قامت مالموت بارشا عباد مرضت و برات و ما فيبالهاش اما تو اهم حاجة مدام رؤية لازم تتقبل الحكاية و هكا يكون اسهللها بش تواجه المرض هذا
- باهي دكتور سمحني تو ، خليني تو نقلها انا عالحكاية
- باهي اما لازم فيسع
خرج مهدي مالبيرو بش يتفلق مش عارف شيعمل يقوللها و لا لا رؤية طفلة قويةممكن تتحمللها الحكاية و ممكن لا مش عارف شنوة يعمل و لا وين يمشي مخو بش يتفلق مالحكاية مسح دموعو و مشى لرؤية
يلقاها لمت دبشها و محضرة روحها بش تروح ياخي قربلها عنقها من تالي و شادد دمعتوا بالسيف كابس عليها بقوتو الكل مش متحمل الحكاية اما قوا روحو و سيبها دورها ليه و شدلها يديها :
- رؤية عندي منقلك
- نعم يا روح رؤية
- اوعدني متتفجعش
ضحكت و قتلو
- متقليش عرفت الحكاية
- اما حكاية (غزرلها مستغرب)
- حكاية ال concert
- صار انتي فيبالك شكون قالك
- انا فيبالي من بكري من اول نهار ريتك
- اه شبيك مقتليش
- انا حبيتك من اول مشفتك و محبيتكش تبعد عليا خفت لا تبعدني عليك كي تعرف بالحكاية
عنقها بالقوي :
- انا مستحيل نسيبك جملا عمري لا نسلم فيك انت حياتي انت الهواء اللي نتنفسو منجمش نمشي و نخليك نوعدك نقعد معاك لآخر نفس في حياتي
ترشقت بالبكاء معادش تنجم تتحمل بدات تبكي بقوتها الكل و شدتو من يدو :
- هيا نروحو امان
- لازمك تقعد الهنا بش تتعالج
- ههه انت سمعت الطبيب شقلك لازمني نتقبل الحكاية و الباقي عند ربي
- وانت منين سمعت
- مهدي عندي جنوني كان نسيت قالولي كل شي حكيتو انت و الطبيب
- باهي هيا نمشيو مالا
عنقها و شدلها يدها و خرجوا ركبو في الكرهبة و روحو للدار .
(في الدار)
- رؤية اي اطلع ارتاح في بيتك
- لا منحبش نحب نقعد نتفرج شوية في التلفزة
- باهي متعبش روحك
- شبيك ياخي عادي احسب كاينو لا كان و لا صار
- كيفاه بش نحسب كاينو لا كان و لا صار
- انا عندي اكثر من 3 شهر مريضة حسيتشي اللي بيا حاجة
- لا على هذاكا تو انا فيبالي معناهابش تمشي بطريقتي
- باهي سي مهدي هيا ايجا بحذاية توحشتك
- هاني جاي كان ترا انا قداه توحشتك
مشى قعد بخذاها و عنقها حط فيلم و قعدو يتفرجو
و مهدي مش مركز معا الفيلم جملا مخو في رؤية كيفاه قعدت متحملة الوقت هذا الكل و مقالت للحد عينيها ضحكتها كلامها ميضهرو شي كي تضحك تضحك من قلبها كي تبكي تبكي من قلبها مسكينة حياتها الكل تعاني عمرها لا حست روحها لاباس حتى نهار واحد كل ميخمم اللي هي بش تبعد عليه النار تشعل في قلبو شادد دمعتو بالسيف يحب يظهر قوي قدامها بش يقويها اما هي متحملة و مؤمنة بربي حتى كان %10 برك بش تبرا يكفيو خاطر ربي كبير و رحمتو واسعة .
هو يغزرلها ياخي دارتلو باستو بوسة خفيفة و قتلو :
- شبيك ياخي فاش تخمم
- لا شي ( مسكين مهدي شادد دمعتو بالسيف خاطر اللي يتعلق بيه يمشي و يخليه مالاول امو و بوه و مبعد عمو و هاي حتى رؤية يمكن تمشي و تخليه )
هي شافتو ساكت هكاكة عرفت فاش يخمم
- امان مهدي متخممش هكاكة ربي كبير برشا عباد ماتت و عاودت حياة عباد في اخر مرحلة من مرض خطير تكتبلها عمر جديد خلي ايمانك بربي قوي صحيح انا يمكن نعيش و يمكن نموت اما ميسالش هذيكا سنة ربي بش يجي نهار و لكلنا بش نمشيو بحذاه الدنيا فانية عيشها نهار حلو و نهار مر الايامات مش على كيفنا اما لازم نؤمنو بالقضاء و القدر .
هو سمعها تحكي هكاكة حس اللي هيا اقوى وحدة عرفها في حياتو واحد كان سمع اللي عندو مرض كيما هكاكة راهو هبل و لا حتى يوصل يقتل روحو هي مؤمنة بربي رغم المصايب اللي عاشتها الكل .
عنقها بقوتو الكل و قعد معنقها خاطر ماهوش منجم يبعد عليها مينجمش يقعد منغير ميشم ريحتها .
- رؤية انا نحبك تقعد قوية خاطر قوتك قاعدة تحسسني اللي انت لاباس
- انا لاباس مادام ربي معايا
و حطت شفايفها على وذنو و قتلو
-انا نحبك و بش نقعد نحبك حتى اخر نفس في هالدنيا
شدلها وجها بين يديه و باسها بقوتو الكل حتى قريب يقطعلها النفس .
اليوم نهار جديد ، قام مهدي بكري حضر الفطور و طلعهولها للبيت و قعد بحذاها حتى فاقت :
- صباح الخير عزيزتي
- صباح الخير مهدوشي
- هيا قوم افطر وبدل دبشك فيسع
- علاه ؟؟
- عندي ليك مفاجأة
- ياا شنية امان قلي
- مانيش بش نقولك قوم افطر و بدل دبشك و حط فليزتك
- باهي
فطرت و لبست دبشها و حطت فليزتها و هو قاعد يغزرلها و عينيه مليانة بالدموع مش مصدق اللي هي تنجم تبعد عليه لازم يفرحها و يعمللها اللي تمناتو الكل ، كملت حطت دبشها و مشاتلو :
- هية هاني كملت وين ماشين تو
- اششش متقول حتى كلمة (حط صبعو على فمها)
جبدها من يدها و ركبها في الكرهبة و حطلها فاليزتها في الكرهبة و خدم الكرهبة و مشى للمطار .
(في المطار)
- مهدي امان قلي وين ماشين (غزرتلو و عينيها فرحانين )
- مسافرين ( مهدي يحكي و هو بش يشيخ عليها بالضحك )
ضربتو على كتفو :
- يا تتدكك عليا فيبالي مسافرين اما وين مسافرين
- هاذي منجمش نقلك عليها
دخلو ريڨلو وراقهم و ركبو في الطيارة
- اي تره طلع وين ماشين (مهدي يحكي و يضحك)
- متقليش لايطاليا
- متقليش هاذي زادة قالولك عليها الجنون
- لا قالتلي عليها وحدة تخدم في المطار
- يا حلوفة معناها لازم تفسدلي المفاجأة متاعي
- سامحني مقصدتش اما و الله فرحانة بالمفاجأة
شدلها وجها بيديه
- متطلبش السماح المهم اللي انت فرحانة هو قرب وجهو بش يبوسها ياخي جاتهم طفلا صغيرة تلوج على امها :
- سمحني تاتا ريتشي ماما
- لا زينة ما ريتهاش ايجا تحب نلوجو عليها
- اي امان نحب نلقاها
- باهي صغرونة قلي شسمك
- اسمي يقين
- يقين محلاه اسمك هيا نمشيو مالا
(مهدي يغزرلها مسكين منجمش يشد روحو عينيه دمعت كيفاه طفلة كي رؤية تمرض بمرض عافانة و عفاكم الله صعيب مش مضمون اللي هي بش تعيش)
شدتها من يدها و بدات تدور بيها في الطيارة حتى لقات امها سلمت عليها و مشات رجعت لبلاصتها تلقى مهدي وجهوا احمر ظاهر عليه كان يبكي
- مهدوشي شبيك امان
- لا شي (مسح عينيه و شدها في حضنو ) juste نحبك تقعد بحذاية توحشتك
عرفت اللي هو خايف عليها دارتلو باستو بوسة خفيفة من شفايفو
- مهدي متخافش انا بش نقعد بحذاك تهنا و بقدرة ربي تو نبرا امان معادش تحسسني اللي انت خايف عليا و الله تخوفني اكثر امان كون قوي على خاطري
و ترشقت بالبكاء و عنقتو و قعدت تدحنس عندو كي الطفلة الصغيرة .
الطيارة بدات تطير و رؤية كبشت في مهدي ياخي غزرلها :
- شبيك عزيزتي لاباس
- اي اما نخاف من البلايص العالية و ليت نحس بدوخة
عنقها و بدا يقرا عليها في القرآن ويمسحلها على شعرها حتى لين وصلو .
(في مطار ايطاليا)
هبطو مالطيارة ريڨلو اوراقهم و مشاو للاوتيل بش يرتاحو و مبعد بش يخرجو يعملو دورة في ايطالية .
في الاوتيل خذاو البيت و مشاو طلعو يرتاحو .
(تو 6 متع العشية)
قامت رؤية بدلت دبشها و حضرت روحها و مشات تقيم في مهدي :
- مهدي يا مهدي قوم امان هيا نحب نمشي نعمل دورة
حل عينيه و غزرلها و تبسم :
- هاني قمت
قام بدل دبشو و ريڨل روحو و شدلها يدها هبطو لل réception قعدو يستناو في الكرهبة ، وصلت الكرهبة هز مهدي رؤية بين يديه و ركبها في الكرهبة و هي شايخة و عاملة جو مش مصدقة اللي هي في ايطاليا.
كملو عملو دورة بالكرهبة و مشاو للبحر هبطو ماكرهبة و قعدو فوق الرمل شادين يدين بعضهم و فرحانين بالمنظر اللي يراو فيه .
هوما هكاكة و تجيهم طفلة صغيرة عمرها قرابت العامين مزالت متحكيش بالڨدا و مدام رؤية متعرفش تحكي بالايطالي عيطت للمهدي جاء حكا معاها و تبسم تبسيمة متع كاينو سخف عليها :
- قلي شبيها مفهمت شي ماللي تحكي فيه
- اسمها كاميليا امها ميتة و بوها ميت و هي عايشة مع اختها اما كي جات هي و اختها للبحر ضاعت على اختها معرفتش كيفاه ترجع .
- ياا مسكينة هيا نلوجولها على اختها امان
- بالطبيعة مالا بش نخليوها
شد يد رؤية و يد كاميليا و قعدو يدورو في البحر بالكشي يلقاوها دارو دارو و ملقاو حد ياخي سمعو صوت وحدة تصيح على اختها و تجري مشاتلها كاميليا تجري عنقو بعضه و بداو يبكيو و شكرت مهدي و هزت اختها و مشات .
مهدي مسكين دمعتو هبطت محلاهم زوز خوات مع بعضهم يتراتحو على هم الدنيا عمرو لا عرف معنى الاخوة كان صاحبو نبيل كان كي خوه ، غزرتلو رؤية شدتلو يدو
- مهدي منغير متبكي نبيل زادة كي خوك حتى انا معنديش خوات و ماعنديش اصحاب و بفضلك انت ولا عندي خواتي و اصحابي
عنقها و مبعد جبدها للبحر قعد يطش فيها بالماء و هي عاملة جو خرجت مالبحر تقطر دبشها الكل تبلو و مهدي يغزرلها و يضحك خرجت كي الفلوس المبلول .
رجعو للاوتيل بدلو دبشهم و هزها بش يتعشاو دخلو لل مطعم قعدو و طلبوا لmenu ختارو ماكلتهم و قعدو يستناو بش يجيبوهالهم .
جابو الماكلة كملو كلاو و قعدو يحكيو و يتذكرو فاللي صارلهم اليوم .
(تو 10 متع الليل)
هز مهدي رؤية و روحو ، هوما قدام الاوتيل هبطت رؤية مالكرهبة ياخي ترهوجت مشا مهدي يجري شدها
- شبيك عزيزتي لاباس
- اي الحمد juste دوخة و كهو
و طلعها للبيت و كلم الطبيب .
وصل الطبيب شافها و حكالو مهدي على مرضها ياخي قالو لازم تقعد في الاوتيل نهارين ترتاح و مبعد تنجم تخرج على خاطر مالازمش تعب روحها برشا .
عطاها الطبيب الدواء و قالها لازم ترقد تو بش الدواء يعطي مفعولو و كان صارت اي حاجة يهزها للسبيطار طول .
كمل الطبيب و خرج مالبيت قعد مهدي بحذا رؤية يمسحلها على شعرها حتى رقدت .
بعد شوية قامت رؤية و قعدت تتلوى عالفرش حط يدو على جبينها حس اللي سخانتها طلعت قام يجري هزها ركبها في الكرهبة و هزها للاستعجالي وصلو دخلها للطبيب و مشى يريڨل في الاجراءات كمل الاجراءات و مشا للرؤية :
- رؤية عزيزتي شتحس في روحك
- لاباس راسي يوجع شوية و برا
تكلم الطبيب (تونسي جاء عندو خدمة في ايطاليا):
- مدام رؤية لاباس عليها واللي صارلها عادي بالنسبة للمرض متعها
- يعيشك دكتور اما ميصيرلها شي كان روحت بيها
- ميصيرلها شي اما الاحسن تقعد الليلة في السبيطار بش يراقبو الحالة متاعها و زيد ماذابيكم متصيرش بيناتكم حتى علاقة الفترة هذي
- باهي يعيشك دكتور اللي عملتو معايا عمري لا ننساهولك
- لا شكر على واجب هاذي خدمتي
خرج الطبيب و خلاهم وحدهم
- مهدوشي توحشتك برشا
- كان ترا انا و الله فجعتني عليك
- متتفجعش هاني الحمدالله تو لاباس عليّا
- الحمدالله سمعت الطبيب شقالك متعبش روحك باهي
- باهي تهنا عليا امان هيا نروحو نحب نروح لتونس
- علاه معجبتكش ايطاليا
- لا عجبتني اما منحبش نثقل عليك في الغربة و زيد خدمتك عندك برشا مهملها
- باهي تو نمشيو غدوة دوب متخرج مالسبيطار
- يعيشو مهدوشي
- يا روح مهدوشك
اليوم نهار جديد قام مهدي قيم رؤية و هزها للاوتيل بدلو دبشهم و حطو فاليزاتهم و خرجو مشاو للاوتيل ريڨلو اوراقهم و ركبو في الطيارة و روحو لتونس .
(في تونس)
وصلو لدار مهدي بدلو دبشهم و طلعو للبيت رقدو مساكن تعبو برشا خاصة رؤية هيا مريضة برشا و تحاول تكون قوية قدام مهدي اما معادش تنجم المرض سيطر عليها مهاش منجمة تتحكم في روحها .
#الحلقة_24
اليوم نهار جديد
كلمت نجلاء رؤية :
- الو عسلامة عزيزتي لاباس
- عسلامة نجلاء هاني الحمدالله
- اية باهي نجم نجي بحذاك اليوم
- اي بالطبيعة ايجا حتى انا عندي منقلك
- باهي مالا نتلقاو في الدار باي باي
- باي
قامت رؤية بدلت دبشها و هبطت تلقا مهدي حضر الفطور و لابس كوستيم و كرافات و ماشي يخدم دخلت للكوجينة عنقتو :
- صباح الخير مهدوشي
- صباح النور يا روح مهدوشك شتحس في روحك لاباس
- اي خير مالبارح ببرشا
- اية باهي الحمدالله
- هاك محضر الفطور و كل شي
- اي ماك سمعت الطبيب شقلك متعبش روحك اي ايجا افطر
- باهي هاني جاية
قعدت بش تفطر و هو قعد بجنبها
- مهدي
- نعم يا روح مهدي
- مبعد نجلاء جاية بحذاية
- اي علاش لا فكرة حلوة مرحبا بيها
- و انا نحب نقلها عالحكاية
- كيما تحب المهم اللي الحكاية متقلقكش
- يعيشك مهدوشي
- هيا باي باي مالا
- ماشي تخدم ؟؟
- اي طلبوني في الشركة عندي خدمة تو كي نكملها نجي طول باهي
- باهي ربي معاك
- رد بالك على روحك باهي
- باهي تهنى
كمل مهدي فطورو و خرج خدم الكرهبة و مشا ، لمت رؤية الطاولة و قعدت في الصالة تستنى في نجلاء .
وصلت نجلاء دقت الباب و حلتلها رؤية دخلو للصالة و قعدو يحكيو
- سمحني مطليتش عليك
- لا عادي السماح
- ي شنوة طلعو التحاليل
- نجلاء انا عندي concert في الدم
- شنوة اللطف عليك اي و قاعدة تتداوا
- لا في اخر مرحلة و ما يتداواش الدواء تو عند ربي
- بسم الله الرحمن الرحيم عين ضربتك يا وخيتي يا رب انشاء الله تبرا و ترجعلنا بالسلامة
- امين
و قعدو يحكيو و ماحسوش بالوقت .
#الحلقة_25
كمل مهدي الخدمة روح للدار يلقى نجلاء طيبت العشاء و ريڨلت الطاولة و قاعدين يستناو في مهدي :
- عسلامة مهدوشي لاباس تعدات الخدمة
- عسلامة عزيزتي الحمد الله انت قلي شعملت و الله هاني نجلاء حضرت العشاء مخلاتني نمس شي
غزر مهدي لنجلاء
- يعيشك نجلاء اللي عملتو معانا عمري لا ننساه
- لا عاد مهدي بش تغششني منك رانا خوات انشاءالله برك رؤية تقوم لاباس
- انشاءالله
- هيا ايجا اقعد افطر
- وشنوة العشاء زعمة توحشت ماكلتك يا حلوفة
- طلع تره
قرب راسو للطنجرة
- اممم متقليش مقرونة
- اي مقرونة باللحم المفروم كيما تحبها انت محرحة
مدت رؤية الصحن و عبات
- خللي نشوفو المقرونة اللي تحكيو عليها
حطت المغرفة في فمها
- ااه شقاولك (نجلاء تحكي)
- اممم مبنها اما الزوز طلعتو تطيبو خير مني
ضحكو الكل و قعدو ياكلو .
هوما هكاكة و يدق الباب قام مهدي حل الباب يلقاه نبيل :
- عسلامة مهدوش
- عسلامة خويا هالخطى السعيد
- لا خاطل نجلاء قالتلي ماشية بحذا رؤية و تو نروح و لتو لروحت نطلب فيها متهزش
ضحك مهدي ودخلو للدار
- اي ادخل نجلاء بحذانا ربي يكثر خيرها طيبتلنا العشاء ادخل تعشا معانا
- صار ويني تو نوريك فيها
- اهيكا في الكوجينة
دخل نبيل سلم عليهم و قعد يتعشا معاهم
- ههه معناها جاية تفطر بحذا مهدي و مخليتني بلاش عشاء
- سمحني و الله التالفون حاطتو vibreur و نسيت عليه
- اية باهي
قعدو يضحكو و يفدلكو استرجعو ذكرياتهم و هبالهم و لعبهم و رحلاتهم في الجامعة و رؤية تغزرلهم و تضحك و عاملة جو كملو فطروا و مشاو لبيت الصالة قعدوا حلو التلفزة و مدو الڨازوز و اللوز و القلوب قعدو ينكتو تعدات سهرية عائلية هايلة حسو بمعنى الاخوة .
بدا يجيهم النوم الناس الكل ياخي قام نبيل
- هيا مالا تصبحو على خير
- امان اقعدو باتو بحذانة الليلة و غدوة امشيو للخدمة انت و مهدي و اهيكا نجلاء تو تونسني
- و الله فكرة حلوة (مهدي يحكي)
- منحبوش نقلقوكم
- لا مفما حتى قلق هيا مالا اطلعو لبيتكم ارتاحو
- اي هيا بصراحة انا جاني النوم (تحكي نجلاء و هي تضحك)
طلعتهم رؤية للبيت بدلو دبشهم و قعدو في الفرش يحكيو
- نبيل بش نقلك حاجة
- شنية يا روحي
- رؤية عندها concert في الدم على هذاكا انا قعدت بحذاها اليوم
تفجع نبيل
- شنوة من وقتاش
- منعرفش اما قتلي اللي هي في اخر مرحلة متنجمش تتداوا الدواء الوحيد تو عند ربي
- مسكينة هالطفلة عمرها لا كملت فرحتها
- والله بلحق
عنقتو و تكاو عالفرش
- نبيل توحشتك برشا هالايامات منرا فيك كان ساعة و لا زوز كل يوم
- حتى انا توحشتك اما ماك تعرف خدمة
وصار اللي صار .
(نرجعو للرؤية و مهدي)
طلعو لبيتهم بدلو دبشهم و قعدو متكين و مهدي مسكين كل ميغزرلها تتوجع يموت الف مرة و مرة ماهوش متحمل يراها تتوجع و مينجم يعمل حتى شي و علا خاطر ملازم يصير حتى علاقة بيناتهم عنقها حتى لين هزها النوم .
(اليوم نهار جديد)
قامت نجلاء بكري حضرت الفطور و طلعت قيمت نبيل و مشات دقت الباب على مهدي .
قامو نبيل و مهدي حضرو رواحهم و هبطو بش يفطرو :
- صباح الخير مهدوش لاباس (نجلاء تحكي)
- اي الحمدالله شقاولكم في النومة في الدار
- والله باهية صاحبي
ضحكو و قعدو يفطرو ، كملو فطرو و مشاو يخدمو لمت نجلاء الطاولة و طلعت تقيم في رؤية :
- صباح الخير عزيزتي
- صباح الخير نجلاء مهدي و نبيل مشاو يخدمو ؟؟
- اي مشاو قبل شوية ، هيا اهبط افطر
- باهي هاني هابطة
بدلت دبشها و هبطت قعدت فطرت و حطت بش تركب الفطور هي و نجلاء .
(تو نص النهار)
كملو طيبو الفطور و قعدو يستناو في مهدي و نبيل . نوقز الباب حلت نجلاء تلقاهم جاو دخلو قعدو في الصالة يستناو في نجلاء بش تحط الطاولة حطو الطاولة و قعدو يفطرو كملو الفطول لمو رؤية و نجلاء الطاولة و مشاو طلعو لبيوتهم يرتاحو .
تو 6 متع العشية
قامت رؤية على صوت التالفون هزت تلقاه مهدي :
- الو عزيزتي لاباس
- اي الحمد شفما صارت حاجة- لا لا متتفجعش مصار شي
- الحمدالله و الله فجعتني
- نجلاء بحذاك
- لا راقدة في بيتها
- باهي مالا امشي قومها و بدلو دبشكم البسو حاجة سبور و استناوني انا و نبيل
- باهي اما علاه وين ماشين
- لا هاذي مفاجأة بالحق
- باهي رد بالك على روحك هيا باي باي
- باي باي
قامت تجري قيمت رؤية و حكاتلها الحكاية و مشاو الزوز لبيت رؤية بڜ يشوفو شنوة يلبسو :
- نجلاء معرفتش شنوة نلبس
مدتلها كالسون اكحل و توب ابيض و فاست كحلاء و سبادري ابيض adidas
- هاذم زينين البسهم
- اي والله زينين اما انت شنوة بش تلبس
- انا تو نشوف حكاية
عملت هكا رؤية مدتلها روبة سبور قصيرة زرقاء
- هاذي زينة عليك
- يعيشك رؤية
- منغير مزية
بدلو دبشهم و عملو مكياج خفيف و شدو شعرهم و مشاو للصالة يستناو في مهدي و نبيل .
بعد شوية دقدق الباب قامو رؤية و نجلاء بش يحلو الباب يلقاو كان السواق متع مهدي عطاهم ورقة مكتوب فيها .
" اركبو معا السواق تو يوصلكم وين المفاجأة "
ركبو مع السواق و هزهم للمطار
(في المطار)
- زعما بش نسافرو (نجلاء تحكي)
- لا منظنش خاطر كان جينا بش نسافرو راو قاللنا حطو دبشكم
- مالا شنوة
- والله منعرف
هوما هكاكة و يسمو صوت مهدي يعيط تلفتت و راها تلقاه راكب في hélicoptère يستنا فيهم مشاتلو تجري عنقتو
- مهدوشي
- ااه شقولك في المفاجأة
- تهبل متقليش بش تهزنا بالhélicoptère
- اي بش نعمل بيكم دورة على تونس الكل
- ياا اما الدنيا بدات تظلام
- ههه على هذاكة جبتكم مخر خاطر تونس في الليل ازين ماللي في الصباح
ركبو معاهم و عداو ليلة تهبل .
اليوم نهار جديد تو 9 متع الصباح
لتو يدورو فوق تونس فرحانين بالمنظر اللي راوه و مش هاممهم الوقت :
- ااه لبنات تعبتو (نبيل يحكي)
- اي محلاها تونس اما و الله بش نموت بالتعب ( رؤية تحكي و تتثاوب)
- مالا هيا نروحو
- اي مهدي بالحق معادش نجم نحل عينيا و زيد رؤية مالازمش تعب روحها
- هيا نمشيو مالا
و رجعو للمطار .
ركبو في كراهبهم و كل واحد روح لدارو بدلو دبشهم و رقدو خاطر بش يموتو بالتعب .
اليوم نهار جديد قامو رؤية و مهدي حضرو الفطور مع بعضهم و مشاو للطبيب بش يشوفو رؤية تحسنتشي .
(في السبيطار)
دخلو للطبيب عمللها تحاليل و قعدو يستناو في النتيجة .
جات النتيجة قراها الطبيب و قعد حالل فمو :
- شفما دكتور (رؤية تحكي و فرحانة متعرفش علاش)
- اول مرة تصيرلي مدام رؤية الconcert تنحا جملا و بلاش حتى مضاعفات بدنك قاوم المرض و لاباس عليك تو
- شنوة دكتور معناها كهو رؤية برات
- اي برات
دار الطبيب لرؤية
- انت اقوى وحدة نراها في حياتي قاومت المرض و الحمدالله تو لاباس عليك
مهدي بش يطير بالفرحة عنقها بقوتو الكل مهوش مصدق حاسس روحو في عالم اخر اخيرا وفات المعانات .
- يعيشك دكتور بالحق اللي عملتهولي بش نرجعهولك ثاني و مثلث
- لا سي مهدي اشكر مدام رؤية انا معملت شي هيا قوية
هزها و روحو يجريو للدار مش مصدقين اللي صار كلمو نجلاء و نبيل و بشرهم نجلاء ولا تزغرط و قالت لازم نعملو حفلة .
استدعاو صحابهم و الضيوف متع العرس الكل عيطولهم الكل و عاودو حفلة العرس مالاول و جديد تعدا نهار ميتنساش .
كملو الحفلة و روحو الناس لكل لديارهم اما مهدي و رؤية مشاو للاوتيل دخلو للبيت .
- تو بلحق وليت مرتي
- اية باهي الحمد الله يا ربي الحكاية تعدات على خير - الحمدالله
مشاو نحاو دبشهم لبسو بيجاما و قعدو عالفرش كل و احد يغزر للاخر و كي تجي عينها في عينو يوليو يضحكو مهدي غزرلها و تكلم :
- رؤية و الله توحشتك
- كان ترا انا
حاسيلو صار اللي صار .
قامو من غدوة يلقاو رواحهم خاربينها البيت لمو شوية و بدلو دبشهم و هبطو بش يفطرو و مبعد مشاو للبيسين .
و العباد تغزرلهم و تصلي عالنبي محلاهم الزوز مع بعضهم كوبل يفتقو و هو يعامل فيها كي الطفلة الصغيرة اللي تطلبو يجيها فرحانين ببعضهم اكثر من ما تتصور .
حاسيلو عداو شهر العسل يهبل و ميتنساش .
(بعد شهرين)
مهدي في الخدمة و رؤية في الدار دقيقة دقيقتين تطلبو مش عارفة شبيها حاسة روحها متوحشتو بارشا و هو مسكين الخدمة لفوق راسو يجاوب فيها و شايخ عليها كيفاش تحكي كي الصغار .
كملت حكات معاه و دخلت للكوجينة مدت الشيبس و الشكلاطة و الحلوى الكل و حطتهم قدامها و بدات تاكل و قد ما تاكل متشبعش هي هكاكة و دخلت عليها نجلاء
- ههههههه فاش تعمل يا بنتي
- جيعانة و شاهية حاجة حلوة و خواطري دايرة
- ههه يطلعش فما بمبينو في الثنية
- ياا زعمة
- اي علاش لا
- بلحق خلي نعمل تاست
قامت تجري بالفرحة جابت التاست .
(بعد درجين)
مشات تجري عنقت نجلاء :
- يا نجلاء يا نجلاء يا نجلاء
- شنوة متقليش...
عملتلها براسها اي و عنقتها بش تطير بالفرحة وماهيش عارفة شتعمل كلمت مهدي :
- مهدي يا مهدي يا مهدي
- نعم نعم نعم يا روح مهدي
- عندي ليك مفاجأة
- تره قلي شنية
خشنت في صوتها بش تقلدو
- معادش تولي مفاجأة كي نقلك
ضحك و قلها
- باهي باهي
- تو كي تروح تعرفها
- مالا هاني مروح تو
تفجعت هيا تكمندات الماكلة و طلعت لبست روبة حمراء و ريڨلت الدار و قعدت تستنا فيه و صل مهدي دق الباب ياخي حلتلو دخل للدار يلقاها الكل مزينة بالورد و فازات منغير متستنا عنقتو
- مهدي طلع شنيا المفاجأة
- هاني نرا فيما
- لالا مش هذيكا المفاجأة
- مالا
- المفاجأة لهنا حطتلو يدو فوق كرشها
-متقليش ....
- اي حبلة
و نڨزت عليه بش تطير بالفرحة معادش تنجم تشد روحها و هو اصلا مش مصدق اللي هي حبلة معرفش شنوة يعمل قريب يزغرط هزها عندو و دخلها للبيت و حطها فوق الفرش و تكى بحذاها حط يدو على كرشها و بدى يحكي مع البيبي
- مزالو تسعة شهور بش تولي بحذانة انشاء الله توصل بالسلامة تو نجيبلك اللي تحب عليه الكل
بدلت رؤية صوتها كي الصغار :
- نحب كولة (كورة)و بثكلات حملا (بسكلات حمرة)
و نحب منعرفث كهو نحب كان كولة و بثكلات
غزرلها
- باهي اللي تحب عليه الكل نجيبهولك اوصل بالسلامة برك
غزرو لبعضهم جات العين في العين و تفلقو بالضحك . حسيلو نحات دبشها لبست بيجاما و هو لبس شورت و قعدو حكاو شويا بعد رقدو
اليوم نهار جديد قامت رؤية دخلت عملت دوش خرجت تلقاه فايق :
- ثباح الخير بابا (رؤية تحكي و تتبسم)
- صباح الخير عزيزي (مهدي يحكي و قربلها و عنقها من تالي )صباح الخير عزيزتي
حط يدو على كرشها :
- شعملت في ماماتك يا وحيد
- ههه طالع لبوه ليلة كاملة و هو بش يهبلني مش مخليني نرقد .
- هكا عاد مش تفاهمنا متتعاركوش انتي و ماما
- ثامحني بابا
حسيلو بدل مهدي دبشو و رؤية كيف كيف و خرجو مشاو للطبيب .
شافو البيبي و خذاو الموعد اللي مبعد و روحو مهدي مش حابب يمشي لخدمتو يحب يقعد لاهي بيها هي تشتها و هو يجيبلها .
هوما هكاكة و يدق باب الدار حل مهدي الباب :
- عسلامة
- عسلامة شكون سيادتك
- انا بو رؤية انت شكون
- انا راجلها و سمحني متنجمش تراها
- علاه
- مرتي حبلة منحبهاش تتغشش و ماذابيك تمشي خاطر كان تصيرلها حاجة هي و لا البيبي اللي في كرشها و الله نقتلك و نشرب من دمك
- باهي مالا تو نرجعلها كي تولد
- لا ماذبيك مترجعش جملة و زيد بعد اللي عملتو الكل معندكش الحق تحل فمك و تتكلم
- بنتك مرضت و عرست فرحت و بكات تغششت توجعت و انت مش هامك ماو لاباس جاي تو انا قريب نولي بو يعني فاهمك و نعرف قداه تحبها اما كان بالحق تحبها ابعدها خلاها تنساك
- باهي تو نمشي اما بالله وصللها اللي انا نادم عاللي عملتو الكل و نحبها تسامحني قبل منموت
- باهي تهنا كلمت رجال
سكر الباب و رجع بحذا مريتو
- شكون في الباب
- نقلك و اوعدني متتغشش
- اي نوعدك
- بوك
- شيحب و بالله معادش تقلي بوك
- باهي ، قالك سامحني عاللي عملتهولك الكل و قال اللي صارلو الكل مش بإراتدتو
- انا مسامحتو قدام ربي و عبادو اما انشاء الله ربي يسامحو
- امين
و قعدو يحكيو مع البيبي هوما هكاكة و ينوقز باب الدار
- هاذي اكيد نجلاء (رؤية تحكي)
هبط مهدي حل الباب طلعت نجلاء :
- اهلا بابا (نجلاء تحكي و تضحك)
- اهلا تاتا نجلاء هيا ادخل
دخلها و طلعها للبيت :
- عثلامة تاتا نجلاء (رؤية تحكي و شادة كرشها)
- عثلامة صغرون شعامل في ماماتك
- والله ثي ناكل برثا و كهو
- اي باهي كي جات في الماكلة برك
و تفلقو بالضحك عنقو بعضهم و قعدو يحكيو نجلاء فرحانة بارشا خاطر هيا تحب برشا الصغار و زيد هي مسكينة متجيبش الصغار .
مهدي هبط يعمل في القهوة ، كمل عملها و طلع بحذاهم
- ههه قداه من واحد حكيتو عليه (مهدي يحكي و يضحك )
- لا مش برشا حكاية 20 ولا 30 واحد كهو ( جاوبتو نجلاء تتركك عليه )
- الحمد الله ههه متقولوليش انا منهم
- لا لا انت الوحيد فيهم
- اي مهدوشي قعدنا نحكيو عليك
مد للنجلا القهوة و للرؤية كاس عصير
- هيا تفضل للة نجلاء
- يزيد فضلك سي مهدي
هوما هكاكة و يدق الباب رؤية تفجعت حست اللي فما حاجة بش تصير ، قام مهدي حل الباب يلقاهم البوليسية :
- تفضلو بشكون حاشتكم
هبطو نجلاء و رؤية بش يشوفو شكون يلقاوه يحكي معاهم
- حاشتنا بسي مهدي بن عثمان .
#الحلقة_31
- انا هو مهدي بن عثمان
- هيا مالا لازمك تتفضل معانا ، شدوه
هوما شدوه و رؤية هبطت دايخة هزتها نجلاء تجري لبيتها حطتلها على راسها شوية زهر ياخي قامت .
- نجلاء ريت حلمة خااايبة
- شنية الحلمة
- حلمت اللي مهدي شدوه البوليسية
- رؤية مهاش حلمة
- شنوة متقليش بالحق شدوه
- اي شدوه هاني قاعدة نستنا فيك
- هيا نجلاء امان خللي نمشيلو امان خللي نشوفو شنية الحكاية
- لا لا مزلت تاعبة متنجمش تتحمل الدهك اقعد انت الهنا و انا تو نمشي
- نحب نمشي ميصيرلي شي
- رؤية راك معادش و حدك متنساش اللي في كرشك
- امان نجلاء نوعدك نرد بالي عليه اما نمشي معاك بالله
- باهي اما كان تتعب تقلي تفاهمنا
- باهي تفاهمنا
بدلت دبشها و ركبو في الكرهبة و مشاو للمركز دخلو يشوفو شنية الحكاية .
دخلت للبيرو متع رئيس المركز تلقاه قاعد بحذاه و حتى بوها لقاوه بحذاهم
- رؤية شتعمل هوني لاباس عزيزتي
- اي لاباس
و عنقتو
- انت لاباس علاه جابوك
- هههه بوك طلع مش راجل و ميستحقش اللي انت سامحتو
- علاه شعمل
- بوك مقدم قضية بية اللي انا خطفتك و خليتك تعيش معايا بالسيف
غزرت لبوها و لفتو بكف
- ماكش بابا و عمرك لاك بش تكون بابا انا عندي ولدي تو و بوه هو مهدي و حتى كان خطفني اموري قتلك اخرج من حياتي و امي عندها الحق كي حاولت بش
تقتلك
مهدي عنقها
- لا عزيزتي متعبش روحك هيا نمشيو شيهمك فيه و رد بالك على ولدي
- هيا بالحق تعبت روحك برشا ( نجلاء تحكي )
هيا نمشيو .
سلمو على رئيس المركز و خرجو .
(بعد 9 شهور )
- اااي يا مهدي بش نموت معادش نجم ياا مهدي ايجاني يا مهدي (رؤية تحكي و تتوجع)
- شبيك عزيزتي لاباس (مهدي يحكي مش عارف شيعمل)
- اسأل ولدك هاو جاي على قريب
- شنوة مشا يجري كلم للسبيطار
- الو الو امان ابعثولي كرهبة اسعاف تو تو مرتي تولد
- حاضر
جات الكرهبة هزت رؤية للاستعجالي
- خوذ النفس تنفس تنفس بالڨدا
- هيا عاد يعيش ولدي هيا (مهدي يحكي)
(صوت بيبي) تولد مهدوش الصغرون حل عينيه غسلولو و عطاوه للامو
- ولدي جاء هو ولدي جاء
مهدي يغزرلو و عينيه بدات تدمع
- كهو معناها و ليت بو انا
- اي عزيزي و انا وليت ام
دخلت عليهم نجلاء
- قطوس مرحبا بيك في وسطنا ، الحمد الله عليك رؤية ، مبروك باب مهدوش
- يعيشك نجلاء ( مهدي يحكي)
- اي ايجا عند خالتي نجلاء تبارك الله تبارك الله
هزتو و فرحاانة
- شبش تسميوه عاد
- انا نحب نسميه هارون (رؤية تحكي و تغزر لمهدي)
- هارون باهي عزيزتي (غزر مهدي لولدو) هاروني عزيزي اهلا بيك في عايلتنا المتواضعة .
(بعد 10 سنين )
- ماما ماما هارون وين
- هارون شوفو في بيتو عزيزتي و قلو يبدل دبشو و انت زادة حضر روحك خالتك نجلاء جاية هي و محمد الهادي و عمك نبيل
- باهي ماما
- عزيزتي شنحوالك لباس ماو
- الحمد الله مهدوشي هيا اطلع حضر روحك نجلاء و نبيل جايين
- باهي عزيزتي
رؤية و مهدي جابو طفلة اخرا سماوها يقين عمرها 5سنين و نجلاء و نبيل بعد ما صبرو سنين جابو طفل سماوه محمد الهادي هو و يقين مولودين فرد نهار و هارون كبر ولا يقرا في السنة الرابعة و تباركالله عليه ماخو الزين من عند بوه و امو و يقين كيف كيف .
- ماما ماما ماما خالتي نجلاء جات
- اهلا عزيزتي لاباس
- الحمدالله وينو كالصغرون
- اهوكا معا بوه و مهدي و هارون قالو عندهم مفاجأة
- هههه متقليش مزالو في طلايعهم و مفاجآتهم
- effectivement oui
- زعمة شنية هالمرة
- انشاءالله خير
- ماما فما طيارة في الجنينة (يقين تحكي و تلهث)
- شنوة طيارة ، شتعمل طيارة لهنا
خرجو يجريو للجنينة يلقاو نفس ال hélicoptère اللي مشاو بيها قبل 11 سنة
- هيا اركبو تذكرتوها هاذي
- هههههه شكون ينساها ليلتها عدينا ليلة كاملة و احنا ندورو
ركبو عملو دورة صغيرة و رجعو للدار تعشاو و قعدو يحكيو و الصغار يلعبو .
هوما هكاكة و يدق الباب حل هارون :
- عسلامة يا ولدي رؤية لهنا
دخل هارون يجري
- ماما ماما فما راجل يسإل عليك
- شكونو منعرفش
خرجت بش تشوف شكون تلقاه بوها :
- بنتي انا قعدلي شهر و نموت
- حبيت نطلب منك السماح عاللي عملتهولك الكل
عنقتو و بدات تبكي
- سمحني انت يا بابا
#النهاية